!!الـــــبــــــدايــــــــة
كيف الحال ؟؟ ان شاء الله طيبين ؟؟ [ مش عارف ايش اكتب ومرتبك لأنها أول مرة لي أكتب في بلوق !! ]
على العموم .. في هادا البلوق الخاص بي حتكون المواضيع شوية مكس .. يعني .. مرة المواضيع حتكون عني أو عن شيء صار في حياتي .. مرات تانية حتكون عن آراء في مواضيع مزعجتني أو أثارت اهتمامي ومرات ... و .. و ... وكدا يعني ... أوكي ؟!!
بالمختصر المفيد عشان دي أول مرة أكتب فيها [ وعلى الملأ كمان !! ] ف ما راح أطول عليكم ،، الاسم: أسامة .. من جدة .. جبرني الزمن وطلب الرزق أني أسيب أهلي وأصحابي وآخذ بعضي وأتوكل على الله وأعيش في ينبع !!!!!
ح نعيش أحداث ومواقف [مش شرط يومية] أحياناً ح تشوفوني في أبهى صوري وأنا مروّق ، وأحياناً يفضّل انكم تاخدولكم ساتر !!
يلا .. قت تو قو ناو عشان دوامي قرب ينتهي.
C U SOON
اوس اوس
ردحذفشكلك روش .. ومعطيها طبنجة
بس حلوة الصراحة والوضوح من اولها بينت لنا ما تحب اللقافة
رغم اني ملقووووفة .. بس متابعاااااك وبشدة
أهليييين والله
حذفالله يستر من اللقافة "بمزح" ^_^
حياكي الله ويسعدني ويشرفني متابعتك واهتمامك
تحياتي،،،